Quen somos?

As Candongas do Quirombo é un colectivo poético-audiovisual que nace da man de Andrea Nunes Brións e Raquel Rei Branco, co desexo de incrementar o audiovisual galego con produtos creativos baixo unha perspectiva feminista, colectiva e cooperativa. O colectivo está aberto a multitude de mulleres diversas sen límites xeográficos nin lingüísticos, que coa súa participación contribúan, ben sexa en momentos puntuais como ao longo do tempo, a aumentar a nosa produción audiovisual e poética. Así, As Candongas do Quirombo está composto por mulleres que traballan para ensinar o mundo desde unha perspectiva crítica, creativa e feminista.

As temáticas dos nosos traballos son múltiples, porque como persoas preocupámonos e implicámonos en diversas cuestións que van desde a situación da muller até as problemáticas lingüísticas na Galiza, pasando pola ecoloxía, a educación ou o respecto polas culturas. Non nos poñemos límites nas temáticas porque non queremos límites nas nosas vidas.

Tamén realizamos traballos por encargo para institucións, colectivos ou particulares xa que contamos co noso propio material técnico para poder cubrir as demandas e adaptarnos a situacións ou requirimentos concretos. A intención é autoxestionarmonos para poder vivir e levar a cabo os nosos proxectos particulares.

As Candongas do Quirombo é un colectivo plural, feminista, creativo, preocupado, innovador, comprometido e autoxestionado.

4 respostas a Quen somos?

  1. Lúa di:

    “As Candongas do Quirombo é un colectivo plural, feminista…” Como se pode ser plural e feminista? sen comentarios…

  2. Tarabela di:

    non hai feminismo sen pluralidade😉

    Adoro as Candongas. Ánimo e saúde!

  3. Loreto García di:

    Si, ánimo. Este sitio é parte do outro lugar. Ogallá siga plural.

  4. emma di:

    Este es un mensaje para Andrea, hoy te conocí gracias a Laura Casielles y una amiga, muy amablemente, me tradujo un par de tus poemas. Quisiera que los veas. Saludos desde Argentina.
    Miriam/Emma

    http://emmagunst.blogspot.com.ar/2014/01/andrea-nunes-brions-2-poemas-2.html

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s