- A festa de auga celébrase en Vilagarcía de Arousa desde os anos 80. Nunha ocasión, na festa do San Roque, despois da procesión, os feligreses que levaban os santo ás costas pedíronlle á veciñanza que lles tirase auga xa que “morrian” de calor.
E así foi, de xeito espontáneo, como comezou unha das festas que na actualidade reune a máis persoas na Galiza.

No 2011 os xornais resaltaban que entre 30.000 e 40.000 persoas se achegaron até Vilagarcía para gozar da festa. Pero o que non conseguimos atopar nos mesmos xornais foi a cantidade de auga utilizada para amenizar a festa.

[Imaxinemos que por cada persoa que se achegou a Vilagarcía o pasado 16 de agosto se gastaron unha media de 100 litros (cantidade que non semella moi descabellada vendo as imaxes). Se contamos que foron 30.000 as asistentes, o resultado total de litros utilizados serían uns 3.000.000.]

- O Encoro do Con foi construído para abastecer o consumo de Vilagarcía de Arousa. Na actualidade só é capaz de suministrar auga ao 20% da súa poboación, mentres que o resto de consumo provén do río Umía e outros pequenos encoros.
O mesmo día que se celebrou a festa da auga este encoro estaba por debaixo do 20% da súa capacidade total. Días máis tarde subiu até o 33%, porcentaxe que seguía sendo crítica nun verán con problemas de sequía, que a propia vila de Vilagarcía sofreu.

Hai que dicir a reserva de auga dos encoros depende de dúas variantes fundamentais: a primeira é o consumo e a segunda as choivas.
A publicidade pode chamarlle a Galiza a terra da auga porén o certo é que, no 2011 as primeiras choivas signficativas do outono non chegaron até Novembro.

MICRODOCUS: DO MAR E OUTROS LADRILLOS.
Duración: 3’32”
Duración: 2’16”
Música: Solpor de Roberto Taboada
As Candongas do Quirombo e Asoc. Medioambiental As Lobeiras.
Licenza: Creative Commons Recoñecemento, Non Comercial e Non Derivados.
Febreiro 2012

O punto de partida naceu da man da Asociación Medioambiental As Lobeiras cando nos propuxeron ás Candongas do Quirombo facer un documental onde o medio ambiente ocupase a temática central. Pero como somos moi rabudas e andamos con moitos paxaros na cabeza, todas xuntas pensamos nunha forma un pouco máis rara de contar historias e expresarnos.
Así naceu o proxecto DO MAR E OUTROS LADRILLOS, un conxunto de creacións microdocumentais cuxo lazo de unión é o ecoloxismo (fácil de deducir), cun punto de retranca (porque aínda non a perdemos), onde denunciamos situacións incoherentes, ilóxicas, preocupantes e incluso sangrantes (porque nunca sobra a crítica).

O amor pola nosa terra no sentido máis estricto da palabra, isto é, pola boa conservación do entorno que nos rodea, é a mecha que inicia este conxunto de vídeos en formato micro (4 minutos máximo), desde o documental poético (porque nunca nos esquecemos da poesía) e por fascículos (porque de vagariño tamén chegamos aos sitios).
Todo ben misturado e remexido xerou este coctel molotov que leva tempo querendo prender lume nas nosas e vosas cabezas.

Hoxe traemos o primeiro dos vídeo que conforman este novo proxecto. Un micro-docu estridente pero que responde unha das preguntas máis repetidas e cantadas da historia galega.

Que din os rumorosos?

Duración: 16’46”
3 de Xullo de 2011.
Santiago de Compostela.
Lizenza Creative Commons: Recoñecemento, Non Comercial, Non Derivados.
As Candongas do Quirombo.

Este é o respaldo dun banco nun xardín de Ferrol.

Duración: 1’09”
Música: Faixa 1 – KraftiM (Flaxa ep)
Licenza Creative Commons: Recoñecemento, Non Comercial, Non Derivados.
As Candongas do Quirombo

Lavadouro Público da Afurada. Porto da Afurada. Vila Nova de Gaia, Portugal. Setembro do 2010.

Unha pequena mostra dalgunha das accións de rúa máis relevantes das Mulheres Transgredindo.

Mulheres Transgredindo 2004 – 2011.
2011.
Santiago de Compostela, Galiza.
Licenza Creative Commons: Recoñecemento, Non Comercial, Non Derivados.

Cando non nos permiten falar, berramos.
Cando tampouco nos permiten berrar, pintamos…
negándonos a ficar silenciadas.

Música: INICIO de Pipo Pegoraro
Duración: 2’11”
Maio 2011
Licenza Creative Commons: Atribución, Non Comercial e Non Derivados.
As Candongas do Quirombo